Malaysia VT Exchange 2016

by Janice Lai

今次兩地同學交流,加上師伯同師父嘅教學,令大家都開了眼界。增進知識之餘,亦見同一個詠春系統,同一個概念,但有著不同的演繹方式和練習方法,能令大家多加思考。

Malaysia2016

就今次交流而言,感受好深。因為看見兩間拳館的拳理大大部分是一樣的。不完全一樣的也很接近,而非矛盾。這樣鞏固了我對現在所學的東西的信念,亦証明了是由師公留下來的,不是經左加右加後的楊氏詠春拳之獨門秘笈。我學的是「黃淳樑詠春拳學」。兩地同學相互學習,分享自己所學的,也正是「一家人」嘅感覺。商業社會,為了賺個錢,要令自己可以在市場上增一席位,獨孤一味,好似未必可行。但既然已有一技之長,又何以見得多加幾個項目會令生意好做啲?

功夫,由知道、明白、理解到融滙貫通、揮灑自如,絕對不是一條容易嘅路。能夠在這條路上加以肯定就更難。有人話「功夫,係一條孤獨嘅路」,我未到這個境界,今次交流卻給我看見一點光,就是總有知音人。

四日三夜嘅大馬之旅,雖然比去年多一日,但仍然覺得唔夠喉,仍有來去沖沖的感覺。不過總算完滿結束。

結束?定係新開始?

師父教落,見人知自己,同人打過先知自己掂唔掂。好明顯,唔係好掂。同人打過,就見自己嘅弱點係邊,日後還是要多加練習。功夫同好多運動都一樣,要透過練習才能熟能生巧,要有人作出指導才能事半功倍。我識打羽毛球,但從未接受過正式的、有系統的訓練。我打得到,唔代表打得好。去打一個比賽就立見高下。

每個人都有自己擅長的範疇,換句話說各有弱點。弱點減少才是致勝之道。師父、領隊、教練都要有知道學生能力去到邊、能夠察覺學生的長處短處的能力,才能令學生有進步的空間。當然學生嘅學習態度同樣在方程式內。

良師難求。。。但都講緣份嘅。四年前我無啦啦跟人嚟試堂,結果留下來的是我。你真係好彩!哈哈哈!

預到你,其實是我的幸福。

師父多謝你。