想參加比賽? 你預備好未?

– Written By Jerry on 21 December 2011

黎緊我地會有學員參加比賽,我今日同佢倾過,我嘅意見如下,想參加比賽嘅其他學員可以參考下:

打比賽吾係去玩,所以要有心理准備訓練係會幾辛苦同埋會有機會受傷。

你想贏,首先就係同自己比賽,要自律,盡量吾好因為要去街玩而放棄練習。所以當我俾左個時間表你睇之後,大家要有共識,定左就吾好有大變動。當然,有突發事下梗係可以商量,如果定左又吾跟的話,會好打擊大家嘅情緒,同意?

我試過一啲好令我無癮嘅情況:我同人練,同佢約時間啦,但係佢話星期一吾得,因為要温書,星期三吾得,因為要去飲。之後,我話,噤我講過方法你自己去練啦,我就再無理佢嘞。因為:而家係我去打咩?我重緊張過佢,要飲?吾去吾得咩?你要知道:比賽,係要付出。包括埋你嘅朋友,社交,一切一切。

我入港隊,幾乎差吾多同做和尚一樣。日出而作,日入而息。但我吾覺得辛苦,因為我想贏。

捱,係基本要求,吾好以為好叻。想贏,就要付出,而呢種付出,更係無保證的。

明白?