教拳係一個好艱難嘅工作，表面睇好易，執行起黎，比較起其他工作，就複雜得多，原因係，館長好容易把營運一間拳會，同教好一班人，混淆左。
即係，好多人會因為遷就收入，而把教學系統分級，即係將技術分為初班「平價」，中班「中價」，高班「貴」，神級「特貴」。。
按照一般人嘅習慣，（例）當你讀完小學，跟住就會昇班讀中學。。。你有無見過中學生返轉頭讀小學生嘅野？如果你問我，點解好多人玩到某一個程度，就會放棄，係因為俾個樽頸卡住，原因就係呢度 — 只顧住過手，而忽略左好多基本嘅訓練，但返去練基本野，又覺得悶。。。久已久之，就會放棄。
好多詠春大師傅對詠春拳嘅理解，會把小念頭當係一樣好初級嘅技術，當佢地嘅學員進入黐手階段，就會放鬆小念頭和其他基本概念的訓練。但係我想問下，喺詠春拳嘅角度，有邊樣野係吾重要？
小念頭係初班？入門？點解我玩近26年詠春，我仲係小念頭嘅拳理上游走？標指係神級拳術？點解我成世人都無乜用過嘅？
所以，如果以營運角度黎教學生，實聽執笠都得。
我一直深信，教得好，就有人黎，拳理愈辯只會愈明，就會有人欣賞。吾需要去理會其他可能性，只需要做好我的中線—吾呃人，憑良心做人，一定有人黎。