5週年晚會

在剛過去的7月中,純。詠春好順利咁完成咗紀念我地自己5週年嘅晚會。諗返轉頭,由年初開始籌備到晚會當晚,過程都總算順利,認真多謝有份幫忙嘅同學,另到我地當日有個好靚嘅backdrop、好精美嘅場刊、同埋送俾當晚出席者嘅小紀念品。
IMG_2389

我地亦都趁著呢個咁難得嘅機會,喺會場度搞咗一個小型嘅回顧展,讓同學們都可以知道一下我地嘅歷史,知道過往呢5年黎我地做過啲乜。

IMG_2322

晚宴由我講述「為何成立純。詠春」揭開序幕,之後就到銅鑼灣班負責人 Mark 哥同William 講下佢地幾時同點解會加入Pvt 。我地Pvt同一般嘅武館紀念活動有啲唔同,我地係無武術表演嘅,因為對我嚟講,武術係要黎用,而吾係要黎表演。所以我就以講故事嘅形式,去將純詠春過去嘅事情做一個回顧,同大家分享一下當中嘅起落。

對我黎講,純詠春呢幾年最值得自豪嘅,並吾係個個都好功夫,而係我地建立左一間有人情味嘅拳館;一個唔分社會地位、唔分財富,吾計較學歷,大家黎Pvt ,只係純粹係因為有一個共同目標~學好詠春拳。
group

苦心經營左5年,我地憑著一個宗旨去教學:「我教給學生的,就是我所學的,是我所用的」,得到好多學生、朋友嘅支持。當晚出席人數俾我預期的多,包括了各分點嘅學生,商業機構的學生,和幾位已沒有繼續學的舊生,甚至一些當年為了支持我出來教而跟我學的朋友都有嚟參與,認真另我喜出望外。幾代學生聚首一堂,非常熱鬧。加上同學們送的「牌扁」,15磅嘅巨型蛋糕,仲有形形色色嘅禮物,代表著我係佢地心目中的位置,好感動。

希望係未來嘅5年,我地會再上另一個高峰。