學員給師父的話#1

by Ping

師父嘅拳理好多時都發覺可以應用係生活各方面,例如:

「越練越簡到最後只有一個直拳」

第一次聽未明白。

因為工作同興趣關係,我喜歡畫畫。後來發現師父嘅拳理就好似畫畫一樣,先學素描,一幅畫要畫幾萬筆以上用來練好畫畫基礎,到熟習後就可以只用幾筆就可畫出你想表達嘅野,再發展出自己獨特風格。各個畫家大師素描都好精細。

正如詠春你要有結構、整體發力、時間性各樣。重覆練習直拳直至每次出拳都可以打中同一點,有齊以上嘅野最後要打倒一個人只需一個直拳。

又例如「鬆」。

學拳之後一直被師父提醒無咩進步係因為唔夠放鬆,師父會比D無咁大隻或女仔同我練,做比我睇夠鬆才有爆發力或如何做可以鬆,我用好多時間去理解「鬆」。好多時自以為夠鬆,但同其他師兄弟練時佢地都會題醒我可以鬆D…真係好難!

這情況同樣出現在我其他方面,工作再快再好但唔夠放鬆也會令到同事感到壓力。待人處事、朋友家人一樣,比人感覺都好緊好認真唔夠放鬆,但自己唔發覺。就似好自覺輕鬆地寫個「鬆」字但寫到紙都穿…

直到近期有一個一段長時間無見既師兄同我練習,佢話我「鬆左wor」
(之前每堂同佢練佢講得最多既一句就係鬆D!)我好高興這幾年練習沒有白費,也希望之後可以慢慢做到師父心目中既「鬆」!做人也一樣!