呢5年有無難忘事 (2015)

#1 – 拍完第一次功夫傳奇,出街時有途人同我講: 打得吾錯喎,伍允龍。。。

#2 – 當年 2010 ,Pvt 只係得九龍班,港島呢邊係無班嘅,直到2011年1月先有銅鑼灣班。當時Mark 哥仲未黎,我地又未收到人,所以當年我就叫左Allen 夫婦,由九龍果邊跟我過黎銅鑼灣,有一個星期五晚上堂果時,得我地三個,當時我問Allen :

「你介吾介意我吾拉埋度門上堂?」

吾介意,咪由得佢地睇下囉,望下望下就可能有興趣,跟住咪會黎問,黎問得就應該有興趣,有興趣就會開始學,學得好就會介紹俾其他人,跟住學嘅人多左,就自然會有再多啲人喺旁邊睇,睇睇下就會問,問左就自然會學,再將呢個過程重複幾次,就掂嘞。。。

當時我聽完,第一反應係覺得好好笑,因為呢段讓我諗起〈食神〉裡面嘅一句話: 做得好咪開分店囉,一間變兩間,兩間咪變四間,四間就上市,上市就集資。。。但當時得我地3個,條路點行好呢?